[ALIGN=CENTER][TABLE1="width:95%;background-image:url('http://dc13.arabsh.com/i/02233/rn8gxq6473ae.jpg');"][CELL="filter:;"][ALIGN=center]
ماعرفت إني احبك ...لين غبت
.......صرت احس إني على نفسي غريب !
التجاعيد ب يدين الأرض .. نبت
........ والضحى في مفرق الايام .... شيب
الدقايق.. لا غفا الوقت |.. كذبت
........ والنجوم تجامل الصبح .... .. وتغيب
لو عرفت إني احبك ..ماشربت :
......... من شفاه الثانية .... .شح النصيب !
لو لمحت اقدار ....حبيلك ..هربت
......... عن بلاد ٍ يحسبون الحب .... عيب
كنت متخبّي ورى صوتك |..وذبت
....... من دفى صمت المسافات .. الرحيب
شفت لو غيّبت "احبك"|.. ماتعبت
........ التعب هو : بعد ما احبك |.. تغيب !
واجيلك ../.. هم متكدّس طعون ../.. وشـرّده منفاي
واجيلك ../.. حلم يتمّه الحنين ../..وحشّم العابه..
اجيلك../.. شاحب وجه المدينة../.. والسكك .. والشاي :
يمز التيه ../ .. ليين القى الشوارع ../..ضاقت ثيابه..
اجيلك.../ وادفن عيون الدفاتر ../.. واستفز بكاي
يدثّـر لك ألم.../ مدري امل ماعدت.../ اقرابه..
لك الله../.. والمدى يحطب صباحي ../والغياب ..النااي
متى اتريّق رجوعك../ من عرق صبرِ ِ.. تعنّـابه.. !
انا ماشره .. على طيب المسا/.. "والغرغرة"..وياي
مدام أن ..السهر كوخ ِ.../.. تبرّا منه احبابه..
تمريني ..ألذ من الذنوب ../.. واعتكف لـ اخطاي
واتوب .. / وينحني راس العطش../..بغتة.. يا محرابه..
وانادي../ منكسر مثل اليتيم ../ وتمضغين نداي..
غبي .. وشلون ألظم لي طريق../... والحق اسرابه.. !
غبي.. هذا الشعور اللي.. يفصّل من شتاي../ غطاي..
انا سايق عليك ../ الشعر الارعن ../ .. ودي ادفابه.. !!
ويستدرج معاه الشحّ ../.. دويّ وعودك ../ ومفناي ..
الييين تسيّلك ../ فزعة ../ دموعي .. وآآتوضاابه
ياعمّي ../ يالشعر .. هندم مكانك.. واستعر مبداي
تصدق !.. مانفع كحل الكلام ../.. ونفحة خضابة.. !
ياعمي ../ ممتلي موت .. وسكوت ../..وغطرسة منجاي
وتجيني../ . مادريت ان الخيال ../ ان جيت احيابه.. ؟!
مثل ماتشوف../ جيت اجمع ../..جروح ِ مشطت دنياي
واطمنها.. على لتغ الطريق ../ الدااااكن.. اسهابه
واجيلك ../..واغفر لـ تيه الطعون ../..وتكفرين بـ "مااي"
جميلك ماغرستيه../.. وحنيني منجله ../.. تابه
لهث وجه الحزن ../.. حتى تهدم ماادخل ..مبناي ..
عدا ذاك "الممات" اللي تخبرينه.. /.. على بابه
تدرين ؟!..
هذا العشق حي ٍ ..
لبّس الليل الحداد
وحنّا نموت . .
ولا تدفينا النجوم "الملحدة"... !!
السهر:؟!
شيخ توضى .. دمع (روّاد السهاد )..
والشعر ؟؟!
ترتيلة عظمى ..
وعيّا يسجده..!!
يعني ..
لو ان الوقت " عيّن خير" ..
واسهبنا رقاد !!؟
كان شفتي الليل في باب السماء .." رافع يده "
خليني .. احكي لك ..
تجاعيد القصيد.."وقهرزاد"..
يوم الشتاء .. مدري متى !..
للشح ../يعطس موقدة ..!
ثنين كانوا /.. والعتب ظل التعب.. حتى الرماد..
يتبع .. طريق ٍ نامه.. التحنان ..يغتال "رقده"
قال الفقير اللي تلحفه الأماني : يا سعاد.
البارحة كن القمر .. بخّر مواني موعده..!!
وأنا احبك .. مادفنت القلب ..في صدرك قتاد
الا الضيا .. متهندمه / متهنده / متنهده
ياقبلة أفكاري ../.. قطفت الصبح .. / ..من غصن السواد
لـ عيون ..عطرٍ خدك الطاهر .. تبنّى .. مسجدة !
ياطفلتي .. والعشق يتشرّب جروحي.. والحصااد
اني فقير يشحذ الدرب الخطى.. ياسيّدة
.
.
تفارقوا ماكن ذاك .. الغيم يستدرج .. براد
تبعثرت.. ترنيمة الصمت .. وتبعثر من "نده"
وحنا نموت ..
ويرتوي ه الليل.. ب ثياب السواد..!
مليتني ..
شاعر يغنّي حلم ..
واقفا موعده ...
واجي مكسور .. لاويني الجفاف .... وخفت لاانساه
غمسته في تجاويفي ..ولا ابتلت ! ... عدا احداقي !
تجيب المبتعد ..وتصب ارضه .....ليييين ينبت ماه
واحس بداخلي طفل ٍ ..يهيم ... ويشتم الساقي
عبث..خاف وتغنّى لـ الرحيل...وسال بين غناه
واخاف يجيبه الدرب الطويل... وتقصر أوراقي !
انا لاجيت انقش من كفوف الذاكرة ... فرقاه
تبرّا الدرب .. من كل الخطاوي ... واشتهى ساقي
تعبت اسقي سماي من السؤال ...ولاظهر معناه
كذا ياخذ مواعيدي ...ولارتّبت اشواقي !
يجي وافرش سكوتي ..ليين يزرع لـ الحزين شفاه ؟!
يجي اثقل من احلام الفقير ... وهقوة الهاقي ؟
خفوق ٍ كلما بيّن مثل ضي القـُرى .. جوّاه
عشقت اتوسل اسوار الغياب ...وغاب عشاقي
واقوم ابني على شط الاماني ..مشيته وخطاه
اذا امتدت سواحل ..مبعديه .. وخلت الباقي !
لاجل اضحك على عقل المشاعر ..واحتري يمناه
تصافح كل ضلع ٍ من ضلوعي .. مل خفاقي !
وآتم اللي توطّاه الزمان .. وخفت لا انساه
غمست القلب في قلب الرحيل .. وجفت اعماقي
إنتقآئي من روآئع .. جمآل الشمري
شآعر جزل غير إعتيادي .. تفنن في معانيه
أتقن وتفرد بعذوبه الاحساس ..
وتتلاشى بقيه آحرفي .. في وصفه ..
قرآئه ممتعه آحبتي ..
[/ALIGN][/CELL][/TABLE1][/ALIGN]