ركز وانتبــــــــــــه!!!
إمتحاني صعْب .. ركّـز وانتبـه
وبعدهـا يالله عسـانـا نستـريـح
كل (سـؤال) يزيـد قـدرك مرتبـه
بس يـا (شاطـر) تركّـد لاتطيـح
و(الجـواب) بكـف قلبـك تكتـبـه
(وحبّذا) لو كـان بالحبـر الصريـح
السؤال يقول : (مـا وجـه الشبـه)
بيـن خفّاقـي وهالكـون الفسـيـح؟
(بس / أموت / و/ فيك) ما هي مرتّبه
(رتّب الجمله على الشكل الصحيـح)!
ودام (عقلـك مرجعـك) و(المكتبـه)
لومني (واستشهـد بشعـرٍ فصيـح)
وهاك (مختـار الصحـاح ) وقلّبـه
لين صفحاته مـن عيونـك تصيـح
وديّ اللـي تكتبـه مــا تشطـبـه
خلّـه ب(مسـودّة) القلـب الذبـيـح
و(علّل) إنكارك غـرامٍ ضعـت بـه
و(أذكر أسباب) انجراحك يا جريـح
وب(الحساب) إجمع غرامك وإضربه
و(عطني) الناتج ولـوّ أنـك شحيـح
وب(العلوم) إشرف علـى هالتجربـه
و(بخّر) أحزاني قبل دمعـي (يسيـح)
(الأمل) غير (الألـم) فـي منصبـه
غلطة (إملاء) تقلب الشّيْـن لمليـح!
وللهوى (تاريـخ) مـحـدٍ كـذّبـه
قبل الاسـلام وقبـل عهـد المسيـح
من يكـون اللـي قصيـدي يطربـه
وإن بَرَد يدفيه عـن بـردٍ وريـح؟
ومن يكون اللـي بَنَـت لـه مُعجبـه
للوصل قصـرٍ وللفرقـا ضريـح؟
إنتهـى وقـت امتحـانٍ تهـت بـه
والإناء بمـا حـوى جوفـه نضيـح
__________________
[flash=http://up.2sw2r.com/upswf/n2p43806.swf]WIDTH=521 HEIGHT=282[/flash]
ركز وانتبــــــــــــه!!!
« آخـــر الـــمـــشـــاركــــات »
03-20-2010
العرض العادي
