1 2  عرض 40 مشاركات من هذا الموضوع لكل صفحة

ســ عمري ــراب 01-23-2011 01:25 AM الذهب ... رااااااااااائعه جدا لا تفوتكم ... لسالم سيار   شف القصيده يا حمد واقدع معاني مسطره ... ولا تنسى للي صبها تسأل عن حماسها ... يبقى القلم سحر المسا والروح صوت المحبره ... تصرخ جروحي بالورق يفطن لها عساسها ... نامت مدينه وبخاطري تلجلج بقلبه مره ... طشت جنوني واربطت عاقل وسط كراسها ... هي حلمها سيف الشعر ملعون ابو جد اظهره ... تبي تفزز شاعره حتى يقصه راسها ... من يوم رفرف فجرها طاحت عيون المغفره ... صلتني حروفي وانا صليت حدر انعاسها ... بنت الردى لو هي ذهب ذهب يعجبك منظره ... والله لابد تعثر تسمع رنين انحاسها ... الليل بنت بالخفى قرآن ربي تسهره ... والليل بنت بالخفى كف الوضو ما جاسها ... الاولى تحشم ناسها لو الدهر زاد اجمره ... والثانيه خلها تحشم ربي وشوارب ناسها ... تبنى المراجل يا حمد لو قلت هذا ما اكبره ... داخل عيونه يا حمد بنت قوي باسها ... وهدم المراجل يا حمد لو قلت هذا ما اصغره ... داخل عيونه يا حمد بنت وهدت ساسها ... بنت وهو لو عسرك وقتك دعا بتيسره ... وبنت لو هو يسرك وقتك دعت خناسها ... اذا طعنتك للصواب اخوك واحضن خنجره ... لا تلعن الدنيا وهي حدر تعبس انفاسها ... الأرض تشربنا جسد والحلم برى المقبره ... الأرض جينا بلبسها باكر نرد الباسها ... اركض على عين الشرف ان كان ودك في مره ... وسترك تشوفه انبنا عمره على احساسها ...

Powered by vBulletin® Version 3.8.4
Copyright ©2000 - 2024, Jelsoft Enterprises Ltd.

جميع مايكتب هنا تدل على كاتبها ولاتدل على منتديات أشواقنا تحكي والله الموفق

Security team