منتديات أشواقنا تحكي - تحذير من قلم التاتو المتداول بيننا ..

تحذير من قلم االتاتو المتداول بيننا

السلام عليكم ..

هلا حبوباآآت موضوع لقيته وانا اتصفح بالمنتديات وحبيت انقله وانبهكم من التاتو (touch) ..

قدر الله وشريت من هالقلم لونين (رمادي وبني) على أساس انه تاتو للحواجب

المصري اللي يبيع سندرني قال لي انه يخلص من السوق بسرعة وانه تاتو قوي وما يروح إلا بمزيل ميكب... مادري شاللي خلاني اشتريه مع ان ريحته بايلوت ...
المهم خذته وعقب ما رجعت الدوحة قلت ادور عنه بالنت وانصدمت لما عرفت انه قلم بايلوت (خطاط لوحات) يبيعون منه اللون الاسود والبني والرمادي على انه تاتو واحنا يا غافلين لكم الله

وهذا موقع القلم البايلوت..

Touch Marker / Brush Marker - ShinHan Twin Marker

واللي خلاني أتأكد أكثر شيكت على أرقام اللونين اللي عندي
الرمادي (WG9 Warm Grey)
و البني (98 Chestnut Brown) ولقيتها نفس الأرقام والأكواد اللي فالموقع شوفو الرابط

Touch Marker Colours -- Touch Marker / Brush Marker - ShinHan Twin Marker

يعني لا هو تاتو ولا هم يحزنون ... فحاسبوا لا يقصون عليكم وتشترونه..
ناس ما يخافون الله يدورون على الريال لو بالحرام .. عيل قلم خطاط صار تاتو .....
و حاسبوا تستخدمونه لانه مش مصنوع للاسخدام على الجلد وما يحتاج انبهكم من خطورة الاصباغ والمواد الكيماوية وتأثيرها على الجلد والبشرة من تساقط شعر الحواجب وغيرها واللي ممكن توصل لسرطانات الدم والجلد والعياذ بالله ..

اللهم بلغت اللهم فاشهد ..

اذا تبوون بديل خذو من بودي شوب حتى لو غالي ع الاقل ماركه طبيه ومشهوره

او من فور ايفر تلاقونه بـ وجوه بالعثيم مول بس لاتخذون الفاتح ولا الغامق خذو الوسط بينهم احلى لان فيه 3 الوان

منقول لعيونكم