أسلوب التعامـــل الصحيح !..ماهو برأيــك؟؟!
بسم الله الرحــمن الرحـــيم :: أحبتي أعضاء أشواقنا تحكي الكرام~ السلام عليكم ورحمه الله وبركاته ~ كــثير مايحصل عند الأقارب اجتماعات بالعائله وعزايم ومناسبات ~ رحت مره مناسبــه ..... جلست مع مجموعــه من المتواجدين هم الأقرب لك سننا .. تتعامل معهم بشفافيه بدون رسميات .. تحب تتحاور معهم لأن بنظرك حواراتهم تتناسب مع ماتحب نفسك الحديث بــه ~ جلست بينهم وبديت تقول سالــفه ! وسلكت هالسالفه معك والجميع منشــد لك ! فجـــأه جاء واحــد وقطع سالفتك وبدا بسالفته !!!!!!!!!! 1-برأيك كيف تتصــرف ؟! ماهو الأسلوب المناســـب ؟! 2- جتك هاذي الحركه من شخص عزيز عليك وتغليه !.. ماذا تفعل ؟! 3-فرضا كان هالشخص كبير وفكرت انه من الأحترام عيب انك تواجهه؟! هل تخليه يكمل سالفته وبعده تكمل سالفتك ؟! 4-اذا صارت الحركــه وش اللي تلا حظه على نفسك من تصرفات ؟! 5-مثلا الجماعه نسوا سالفتك ! تقوم ترجع تفتح السالفه من جديد ولا خلاص راحت عليك !!؟ 6-وبالأخــــير موقف صار لك على السريع ! موده طيبه ~  أختكم صــآحبة الفــخــآمه .. من قلمــي |
ربي يسعدك و المرور
اووما حركة أخوك لو سواها أحد لي وربي أقرب ش على وجهه هههههههههه مشكووره ياالغلآآآ ع المرور لآآآ عدمته ..~ |
1-برأيك كيف تتصــرف ؟! ماهو الأسلوب المناســـب ؟!
دااايم تصير معي ومافي أحد سلم من هالحركه ههههه .. بصراحه هالحركه تضايقني وخاصه لو جات من وحده مو ذيك المعرفه تلاقيني على طول أمسك المويه او العصير واشرب واعطيها نظره إحتقار وما اشيل عيني من عليها لحد ما تنتبه لنفسها وتتعلم تحترم الناس .. الاسلوب الامثل أنك ما تسكت وترفع صوتك واذا ما سكت تقول له لحظه أكمل .. لكن أنا ما اقدر أرفع صوتي بعدين يبان للكل اني زعلت هع ... 2- جتك هاذي الحركه من شخص عزيز عليك وتغليه !.. ماذا تفعل ؟! الغااالين عااادي انا عارفه مو قصدهم بس يستعجلون أحيان .. واقول دقيقه واسمعي يادووبه عادي ونقلبها ضحك أصلاً 3-فرضا كان هالشخص كبير وفكرت انه من الأحترام عيب انك تواجهه؟! هل تخليه يكمل سالفته وبعده تكمل سالفتك ؟! اذا كان كبير بخليه يكمل سالفته وانا بطلع من الجلسه كلها .. 4-اذا صارت الحركــه وش اللي تلا حظه على نفسك من تصرفات ؟! بعد الاحتقار طبعاً ههههههههههه اعدل من شكلي ارجع اصلح شعري أو العب بالساعه .. اطلع من المجلس خخخخ 5-مثلا الجماعه نسوا سالفتك ! تقوم ترجع تفتح السالفه من جديد ولا خلاص راحت عليك !!؟ راااحت .. وما عاد ارجع اسولف اكمل جلوس مجامله لحد ما اطلع من المكان .. 6-وبالأخــــير موقف صار لك على السريع ! المواقف كثير يلاااا خذي هذا .. كنت بزواج ورايقه ما ودي اكدر خاطري .. الموهيم كنا بسالفه وتجي وحده ما اعرفها تعرف اللي معاي تقطع السالفه بقووه يعني مو حاجه قريبه منها لا سالفه بعيده مره عن موضوعنا كنا نتكلم جد وهي تنكت جلست اتريق على البنت اقولها وكيف وليش وايش يعني وآاها خربتها مسويه ما فهمت هههههه وتوجتها بإبتسامه مالها نفس هع وأستاذنتهم وأخترت جلسه ثانيه .. صاااحبة طرح نااايس .. يعطيك الف عااافيه .. لكي ودي .. |
شآكره لك مرورك خيتوو
دمتي ..~ |
جلست بينهم وبديت تقول سالــفه ! وسلكت هالسالفه معك
والجميع منشــد لك ! فجـــأه جاء واحــد وقطع سالفتك وبدا بسالفته !!!!!!!!!! 1-برأيك كيف تتصــرف ؟! ماهو الأسلوب المناســـب ؟! ولاشي اذا اللي اتكلم معهم التفتو له اسكت بالعاده انا لما احد يكلمني وفي احد غيره جالس يحكي لي سالفه ما عطيه وجه اقوله انتظر خل الرجال يكمل سالفته وهذا اللي اكثر الشباب متعودين عليه 2- جتك هاذي الحركه من شخص عزيز عليك وتغليه !.. ماذا تفعل ؟! اذا يمون اشوته وقوله مثل مشهور محد يعرفه غير الشباب اذبح الرجال ولا تقطع سالفته ! طبعا بمزح هع بس على قولهم مزحه برزحه هههههههه  3-فرضا كان هالشخص كبير وفكرت انه من الأحترام عيب انك تواجهه؟! هل تخليه يكمل سالفته وبعده تكمل سالفتك ؟! اخليه يكمل اكيد سالفته اطنخ اما اذا ما عنده هرجه بجلس اقلب في الجوال الين يخلص ههه 4-اذا صارت الحركــه وش اللي تلا حظه على نفسك من تصرفات ؟! ابد ماحس بشي فيني بس استحقر هالشخص اللي قام بهالحركه واذا يمون افهمه انو غلط هالتصرف 5-مثلا الجماعه نسوا سالفتك ! تقوم ترجع تفتح السالفه من جديد ولا خلاص راحت عليك !!؟ لا مستحيل اساسا اذا انقطعت السالفه ماعاد لها طعم حتى البهارات تروح << يرمي ارانب خخخخخخ لا امزح بس خلاص وشهو له ادوش راسهم من جد طعمها راح 6-وبالأخــــير موقف صار لك على السريع ! ياكثرها المواقف اخرتها امس بالعشا كان عندنا عزيمه وكنت محمس انا وواحد عن مباراه في كأس العالم وجالس اشرح له كم فريق يتأهل وكذا الا طمر ذا واحد يقول للي اكلمه اخبار الديره !!!! قلت يابو وش ديرته اركد الرجال معي هههههههههه :104: المشكله محد حولي الظاهر بس اني امتحان :162: وفي الختام اشكرك صاحبة الفخامه على طرحك هالنقطه للنقاش وهالمشكله اللي يعاني منها الكثير نسأل الله العفو والعافيه سلمت الايادي ودمت بكل الود |
معاند
شآآكره لك مرورك لآآآ هنت ..~ |
| الساعة الآن 10:03 PM. |
Powered by vBulletin® Version 3.8.4
Copyright ©2000 - 2024,
Jelsoft Enterprises Ltd.
جميع مايكتب هنا تدل على كاتبها ولاتدل على منتديات أشواقنا تحكي والله الموفق
