منتديات أشواقنا تحكي

منتديات أشواقنا تحكي (http://www.ashwaqna.net/vb/index.php)
-   نبض القوافي (http://www.ashwaqna.net/vb/forumdisplay.php?f=10)
-   -   ملذات الحياة ... ناصر القحطاني و حامد زيد (http://www.ashwaqna.net/vb/showthread.php?t=5960)

معاند احساسي 08-13-2011 11:26 PM

ملذات الحياة ... ناصر القحطاني و حامد زيد
 

http://www.youtube.com/watch?v=iZcPw-a2x4o


[glow=FF0000]نــــاصـــــر الــقــحــطــانــي
الله يـا زيـن الليالـي كـل مـا نرجـع ورا

شان الزمن ياهل ترى والا يـا عالـم وش جـرى
لا طعم للضحكه ولا اللقمه ولا حتـى الكـرى

والعمر ينقص مثـل مـا تنقـص ملـذات الحيـاة

ما فيه صدر الا وفـاح ولا كـلام الا انحكـى

واللي شكا واللي بكا واللـي علـى الحـزن اتكـا
واللي خذا له بنـدق ودور خصيمـه وارتكـى

حتى افلس وضاقت عليه الأرض من كل الجهـات


حـــــامــــــد زيـــــــــــد
كلـن يجـود بنيتـه ولكـل مؤمـن مـانـوى

الكـره داء بـلا دوى . واصابعـك ماهـي سـوى
النفس تتبع ماهوت والقلـب يتبـع مـا هـوى

وان قـوّم الله القيـامـه نـسـأل الله الله الثـبـات

مايجرحك غير الصغير اللي يحسب انه عظيـم

لاهـو بشهـم ولا كريـم . ولا سـراطٍ مستقـيـم
تعامله مثل الخـوي ويعاملـك مثـل الخصيـم

ان كانها مـن بـاب غيـره مـا يغـار الا البنـات


نــــاصـــــر الــقــحــطــانــي
إلا على طاري النسا .. قل للنسا عل وعسـى

تذكـرون اللـي نسـى .. وتدلهـون اللـي قسـى
وإلى تردى بعضنا .. تكفون يـا جمـع النسـا

خلوا الغتـر والثـوب تكفيهـا الغطـاوي والعبـاة

يمارس الهاوي هواه مـن المهـد ليـن اللحـد

حتى اكثر العالم جحد .. واصبح مااحد فاضي لاحد
من قدم السبت احسب انه دايما يلقـى الأحـد

لاواحـلالاه سنتيـن مـن العصـور الماضـيـات


حـــــامــــــد زيـــــــــــد
صحيح لي قال المثل ما كل شي(ن) بالفلـوس

المال مايجمـع نفـوس ان عـز روس يـذل روس
من صار للدرهم قدر والناس تنـداس وتـدوس

جمع الرجال الاوفياء يغنيـك عـن جمـع الفتـات

اللي يحسب ان الرجوله فالشماغ وفي العقـال

وبالضيق ماهو راس مـال ولا يعـد مـن الرجـال
هذا اللي لي من ثورت في راسه الطلقه حلال

الموت خير من الحيـاه دام الحيـاء بالنـاس مـات


نــــاصـــــر الــقــحــطــانــي
الفقـر كرهنـا بعضنا..والنبـي منـه استعـاذ

وان ما لقى الطاير مـلاذ .. العمـر تاليـه النفـاذ
إلى اجدبت كف العزيز ولا غشاها الا الـرذاذ

قلـه عليـك ان طعتنـي بالباقيـات الصالـحـات

كن مبتسم واحذر يقال انـه عبـس والا بسـر

حتى ولو جاك العسر..تلقـى مـع العسـر اليسـر
اجبر خواطر وانتبه ينقـال خاطـرك انكسـر

وارسم حلومك فـي البيـاض مربعـات مربعـات

حـــــامــــــد زيـــــــــــد
ياكثر ما عبنا الزمن واثر الزمن مافيـه عيـب

إن عشت ذيب ومت ذيب . وكل فعلك فعـل طيـب
خذها نصيحه من مجرب قبل لا تسـأل طبيـب

اذا عيـون النـاس باتـت عيـن ربـك مـا تبـات

الله عطاك الموهبـه والله كريـم اليـا وهـب

لو حكيهم يشعل لهـب . وقلامهـم تـوزن ذهـب
ماتبت ايديـن النبـي تبـت يديـن ابـو لهـب

اللـي جمـع شتاتهـم يقـدر يرجعـهـم شـتـات


نــــاصـــــر الــقــحــطــانــي
من هم بصعودالـدرج لا يلتفـت للـي هـرج

يصبر و لوحظه عرج .. والصبـر مفتـاح الفـرج
وإن حس في صدره حرج والهم طول ما خرج

يجلس مـع نفسـه دقايـق فـوق سجـادة صـلاة

افتح عيونك للحياه أكثـر وناظـر فـي علـو

لو عنك احبابك سلو .. و اعداك في كرهـك غلـو
والله لو تصنع مـن الليمـون مشـروب حلـو

كان اكتشفت الوجـه الأجمـل للمحـن والنايبـات


حـــــامــــــد زيـــــــــــد
حتى ولو تقدر تبوق الكحل من فوق الرمـوش

وتجري مثل جري الوحوش . وغير رزقك ماتحوش
يعني بلا توفيـق ربـك لاتهـوش ولا تنـوش

يالادمي مافات فات مات وكـل مـا هـو آت. آت

وان صابك من النايبات المعضله خطب(ن) جلل

وجتاحتك موجة ملـل . وإغرورقـت عينـك بلـل
يا عل كتف الصاحب اللي ما يشيلـك للشلـل

ولا بـارك الله بالرفيـق اللـي يسـوي هالسـوات


نــــاصـــــر الــقــحــطــانــي
شف كيف مقدار النصيحة فى القديم من الزمن

كل إلى قالوا تمن .. قـال أشـري وصـاه بثمـن
واليوم الآباء خل الابناء نصفهـم مـا ينضمـن

وجدي على لقمان والا يـا وجـودي يـا بركـات

تشكي مشاعرنا الجفاف وكل صدر فيه خـوف

أزمة ثقه وأزمة ظروف .. الكل منها مـا يشـوف
من كثر فقدان الثقه ما عاد يرجون الضعـوف

من بيت مـال المسلميـن اي صدقـه وايـة زكـاة


حـــــامــــــد زيـــــــــــد
من عزه الله في ذرانا ذي فـراش وذي غطـا

نعطي ولا نرجي العطـا .ولا يجـي منـا الخطـا
نصبر على مر الليالي لو يطـول ابنـا البطـا

بعض الاوادم لو يموت مـن الفقـر ماقـال هـات

مايجتمـع كـفٍ جــواد ومــدةٍ متباهـيـه

خـل الاوادم لاهيـه .. واعـط العطايـا راهـيـه
ياتكرم النـاس بشرفهـا , يـا تغـور بداهيـه

لو صدق لك نيه تجود تجـود لكـن مـن سكـات
[/glow]

مجروحه بخطاوي البشر 08-13-2011 11:35 PM

رد: ملذات الحياة ... ناصر القحطاني و حامد زيد
 
مرة روووووعه يعطيك العافيه اخوي معااااند احسااااااسي تقبل مروري

معاند احساسي 08-13-2011 11:42 PM

رد: ملذات الحياة ... ناصر القحطاني و حامد زيد
 
الروعه في حضورك اختي الغاليه

كل الشكر لمرورك العطر


دمت بسعادة

جمانه 08-14-2011 12:44 AM

رد: ملذات الحياة ... ناصر القحطاني و حامد زيد
 
يعطيك الف عافيه على التنزيل الحلو

دام جديدك..

تقبل مروري..

معاند احساسي 12-09-2011 06:38 PM

رد: ملذات الحياة ... ناصر القحطاني و حامد زيد
 
كل الشكر لمرورك العطر اختي الغالية جمانه

انرتي صفحتي بقدومك

دمتي بسعادة خالده


الساعة الآن 02:54 AM.

Powered by vBulletin® Version 3.8.4
Copyright ©2000 - 2024, Jelsoft Enterprises Ltd.

جميع مايكتب هنا تدل على كاتبها ولاتدل على منتديات أشواقنا تحكي والله الموفق

Security team

This Site Uses The Product: 7elm V 2.6

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56