منتديات أشواقنا تحكي - عمر البحر ماشال هم السفينه ؟؟

من طبعي ارد الإساءهـ { بالاحسان }
وأساير ظروف الزمان اللعيــــــنه ..

وأطوف الغلطه من { أفلان .. وفلان }
يعني من أجل { عين } تكــــرم مدينه ..

الكامل الله والخطا طبع { الانسان }
والدرب يفرق عن يسارهـ ويميــــــــنه ..

و { ـالصاحب } ا للي لـه معزهـ وله شان
ان جاني بـشيـــــنه .. تذكــــــرت زينه ..

اتحمل اخطاءهـ معي { قدر الأمكان }
من جـــــانبي تبقى العــــــــــــلاقه متينه ..

واللي { يغلطني } وانا ماني بغلطان
اصـــــابعي احطها { وسط عينه } ..

مادامني مسلم وفي قلبي إيمــــــــــــــان
عمر{ البحر } ماشال هم السفينه ..

مرت علي { انواع .. واشكال .. وألوان }
بين { العقول } الناقصه .. والــــرزينه

عندي قناعه ان { الإنسان شيطان }
اذا يهينكـ { لازم } انك تهينــــــــه ..

يعني اذا حاجتكـ { بيدين عدوان }
يكفيكـ شر المهزله .. والغــــــبينه ..

من{ كثر ماجاني } من الناس خذلان
تحرجني حتى كلمة { الله يعـــــــــــينه }

صحيح لي { ربع .. وجماعهـ .. وخلان }
وأضيق لكن حاجة الناس.. شيـــــــــــنه

الشخص دام انه بكل شي{ خسران }
تأكد انهآ من عمايل { يديــــــــــــنهـ } ..

من مرحلة { حب .. ومشاعر .. وحرمان }
إن مالــــــعنت الحـــــب تلعـــنهـ سنــــــــينه ..

اكتب شعر واعزف من { اشواقي الحــآن }
واسلي قلوب الغــــــــــــرام الحزينـــــــــــه ..

ولو الشعر مخلوق في { هيئة انسان }
والله لأقول له تسلم { واقبل جبينه }