منتديات أشواقنا تحكي - [ دآيم أسمَع عَنْ / خويٍ : خآ آ آ ن في خوّة خوّيـه ! ]

ماعرفتك !!
والعذر اقبح من ذنـوب الخطيّـه
حتى شكلك صدقيني ان قلت لك : بعضه نسيته

أذكر عيونك حورها من الخجل زايـد شويّـه !
بس هذا أذكره وغيـره مـن الذكـرى محيتـه

لا بعد أذكر .. شعرك اللي يحـب لعبـة يديّـه !
سالفه شعـرك لحالـه لـو ابشـرح ماوفيتـه

واذكر ان فمك حضن جمرٍ حمر فوق ابرديّه !
لا ابتسم لي رحت له كلي مـن اللهفـه وجيتـه

وأذكر ان غمازة خـدودك عـذاب ومهمهيّـه !
ورّدتني لـ الطريـق اللـي ابتـدى يـوم انتهيتـه

وأذكر ان طعونك اللي بالظهر كانـت قويّـه !
ايه اعرفك بس اخاف الجرح يكبر لا طريتـه

أنتي كنتي شي ثاني .. كنتي شي منـي و فيّـه
اقرب انسانه لقلبي حطمـت قلبـي فـي بيتـه

تذكرين .. الورد الاحمر يوم جبتي لي هديّـه !
قلتي : تكفى لا يموت الورد لك غالـي شريتـه

مات قلبي قبل يموت الـورد .. وجروحـه نديّـه
في يديني .. جبـت دم القلـب للـورد وسقيتـه

كنت احسب اني اضحي .. مادريت اني ضحيّه !
كنت احسب ان العطى يثمر بعين اللي عطيتـه !

راحت احلام العمر .. روحه كذا من غير جيّه
حتى زرعي اللي زرعته .. ماتوفقت وجنيتـه

من عقب ما كان ليّه .. صار لـه ماهـو بـ ليّـه
من خذاه !! وقلبي يسأل عنـه لكـن مالقيتـه

دايم اسمع عن خوي ٍ , خان فـي خـوة خويّـه
موقف ٍ يمكـن كتبتـه بالشعـر قبـل .. وقريتـه

المهم .. ماكنت احسـّه ليـن ماجتنـي بليّـه
من يديك .. وحسستني وخاب كـل اللـي هقيتـه

يا بدويّـة / مـو كـذا رد الجمـايـل يابـدويّـه
البـداوة علمتنـي / كيـف أرد اللـي خذيـتـه

في الزمن هذا .. محال الوافي يلقى له وفيّـه
الزمـن هـذا خذلنـي فـي محبتـك .. وبكيتـه

كنت اقول : الطيّبه / أحسن من علـوم الرديّـه
كنت اقول , وكنت اقـول , ولا نفعنـي ماحكيتـه

مابقى عنـدي كـلام ولا بقـى بصـدري .. بقيّـه
مـن تفارقنـا بـ صـدري هالعتـاب .. ولا شكيتـه

هذا كلّ اللي عليك .. وقولـي انتـي ماعليّـه
بسمعك لـ الصبح , يمكـن منـك اسمـع مابغيتـه

اما شكلك اعرفه عـرف الموصـي لـ الوصيّـه
قلت : مااعرفه .. وفي قلبي اقول : انـي فديتـه

ايه اعرفك والعذر اقبح مـن ذنـوب الخطيّـه !
انتي شكلك صدقينـي راح امـوت ولا نسيتـه ..

عجبني فأحببت إن أنقله لكم
دمت بخير ..:give_rose313: