منتديات أشواقنا تحكي - "سقى الله يوم كنت آضحــــك|مستريح|البآآآآل.."

.{.. مدخ ــــل..~

~[ الناس ما تسمع .. ؟ وَلآ انا مات صوتي ! ]~

{...
..
.

على الله يازمن بشكي جروحي والليالي طوال
عسى راعي العنا ينسى عناه وينشرح صدره

على الله يا زمن بشكي همومي والهموم جبال
تعدت عاصمة حزني حدود العالم بأسره

خساره يالسنين اللي كتبتي سيرة الرحال
فرحت أمس وحزنت اليوم بس الخوف من بكره

لساني كم شكى صمته والى منه حكى ما قال !
طغى طبع السكوت بسيرة المحروم من صغره

سقى الله يوم كنت أضحك وبالي مستريح البال !
ضحوك ما عرفت الحزن وش معناه وش قدره ؟

وكبرت وكبرت أحلامي وصارت قصة الترحال
أماني في مهب الريح وحلم ماكتمل بدره

بعذر اللي مع ايامه جلس يبكي على الاطلال
تذكر ماضي أفراحه ألين خنقته العبره

عزيزه يالعيون اللي حضنتي دمعة الرجال
حبستي دمعته بين المحاجر يوم ضاع أمره

عزيزه يالحروف اللي سكتي والكلام يقال
حكيتي..ما شكيتي الهم وهم القلب يا كبره

عزيزه ياليدين اللي ثنيتك باصعب الاحوال
أكفك ساعة الحاجه وامدك ساعة القدره !

وعزيز النفس لو يصبر على صبر الليالي نال
ابصبر والرجل يصبر ومقياس الرجل صبره

أنا منهو ح ــمل همه على راسه تقول عقال !
مجاديف الزمـــن دارت عليه ونسف الغتره !!

وأنا منهو فقد صوته وبعض الصوت به ما زال
دعيت الله يفرج ــها علي وبحت النبره

أشيل الــ ح ــمل عن غيري وح ـــملي صار ما ينشال
كما الشيــخ الهزيل اللي مشيبه منقض ظهره

ج ــروح ــي مزنه منها هطل فيض الشعر همال
سقت ج ــدب العروق اللي تبلل ريقها قطره

وعن حر الزمن صارت حروفي للجروح ظلال
تذرت عن هبوب الياس ح ــلم قد بنى قصره

عساها للمطر روح بها وادي الظما ما سال
عروق سنينها جفت ووراها الزمن غدره

عساها للمطر روح قضى مرباعها ما طال
كساها ثوبها الاصفر..وكانت تلبس الخضره

على الله ينجلي وقت قضيته هم وغ ــربال
ويشع النور في قلب غشى لليل الظلم فجره

على الله والولي الله وبامر الله يزين الحال
ويضحك للزمن قلب مع همومه قضى عمره ....

.

..
...~

{.. مـ خ ـرج ~

ابصرخ بكل مآفيني , يااا دنيا ما تهميني ~

ممآآ رآآٌق لــــي

ودمتم بوود ....