القصيدهـ /

والله وكبرتي يافرح وصرتي عروس وتفهمين..!
والله وكبرتي يافرح..

آذكر بيومـ(ن) انولدتي..!

ويوم بشرني ابوك..

كآن فرحان بقدومك ..

وكآن يرسم لي عيونك

كنتي اعظم امنياته..

شئ اغلى من حياته

وكان يشوفك بعيونه غيييييييييييرعن كل البشر!

درهـ ولامثل الدرر

وآذكر اول مامشيتي!

خطوه خطوهـ..!

من بديتي..!

خطوهـ خطـوهـ..!

تدرين انك تشبهينه..؟!

حيل وإلا تشبهينه

بسمتك هي بسمته

ونظرتك هي نظرته

أنتي كلك مثله هو.. بنت من ذاك الابو..!

والله وكبرتي يافرح وصرتي عروس ..وتفهمين..!!!!

قالت اسمعني يا عمي بشتكي لك بعض همي ..!

لا تناظرني صغيره والفكر ما قدر اديره

علمتني قسوة الطاغي اشياء كثيره

وعلمتني دمعة امي لا بكت بالييييييل وهي ترتجي ربي يردهـ ...!

من بعد ماغاب مدهـ..!!

عمي والله ماتتصور شنهي العيشه بدونه..!

وعمي والله مابي آكثر غير أناانآظر عيونه

مآدري مل الصبر مني وإلا مليته انا اوكلنآ ..!

حايره ..حآيره ..حايره والله ياعمي ...:(

وزود الحيره سؤال بسئلك فيها مجال..!

قولي يالله وخلصيني ..

دمعتي حارة بعيني

قولي وأبدي لي السؤال..؟!

آيه عمي بسألك ..آيه عمي بسآلك..؟


ليه سماني فرح وعمري ماشفت الفرح ؟؟؟...

ليه سماني فرح ..وعمري ماشفت الفرح ..

ليه ما سماني هم..اوعناء ..وإلا شتات

ليه ماسماني حزن ..يطوي آحلى الذكريات ..!

ليه يتركني ويروح ..

ويترك أمي له تنوح ..!

ويحرم عيوني الوبات ..

آيه انا اكبر.. ويكبر داخلي همي معاي

وكل يوم يكثر داخل احساسي عناي

ماتصور..ماتصور..عيشتي والله بدونه..!

ماتصور ..ماتصور شوقي لمنآظر عيونه..

ولمسته إيدهـ ودفااه ..

ولهفتي لقال بنتي ..!

ودمعت عيني للقاهـ

ودمعت عيني للقاهـ

عمي..!

مل الصبر مني وإلا مليته انا او كلنا ..او كلنا..!

لحظه فرح..!

لحظه فرح..!

أسمعيني ..وأدري انك تفهميني..!

آسمعيني..خلي إيمانك مع لي مآنخذل منهو رجاهـ

واحد بإذنه يحرر ..

اسرمنظلم الطغاهـ..

لاخذاك الشوووووق يمه...!

ثم وله قلبك عليه

ناظريه بكل يومن ..

لشرق فجرآ جديد..

وناظريه بأوسط علمنا..

لاهتفوآ حوله النشيد ..

وناظريه بعيون جابر

تعرفينه..!

قالت آيه..الشيخ جآبر..والله وكبرتي يافرح وصرتي عروس وتفهمين..!