رح واعتبرني ماسمعت بتحديك
روحي بدربك وانسي اللي تحداك

نسيت قلبي يوم هو ميت(ن) فيك
ونسيت يوم انه على الناس بداك

ونسيت يوم يدوس قلبه ويرضيك
وارخص جميع البيض يازين واغلاك

نايف ثلاث اسنين بالقلب مخفيك
واقسم قسم مايوم ضرك وجافاك

لو رحت يبقى القلب متعلق(ن) فيك
ولو رحت ماراحت عن القلب ذكراك

أغليك قلي كيف؟؟ وشلون اخليك
وانت الذي بالقلب دارك ومرباك

مفروض قلبك!! بالذي قلت ينبيك
عشرة عمر معقول!! للحين مانباك

لو كنت ليل احارب النوم واسريك
واعشق ضلامك واكره النور لرضاك

ياماتمنيت اقلب اسمك واسميك
لأن الفخر يفوز به شخص سماك

سلوى اسم ودي بغيره نسميك
اسم(ن) ولا يدعى به انسان وياك

(ياروح نايف) لاعلت في أذانيك
إعرفِ ترى شخص(ن) من الناس ناداك

بالحيل احبك واكره اللي يعاديك
هذا شعوري واكثر الهرج ماجاك

داخل خليج الروح كثرة مراسيك
ومركب حياتي راسي(ن) وسط ميناك

(عديل روحي) دام حبلي بأياديك
لاتقطعه وشهي حياتي بلياك

يابنت انا معقول!! بالشر اجازيك
لاوالذي لو تطعن القلب يمناك

وإختامها عودي على قلب غاليك
حرام يصبح واحد(ن) من ضحاياك








مما راق لي