1
2
|
1
2
|
بنات × بنات
بسم الله
شلونكم بنات اشواقنا تحكي ؛؛ جبتلكم موضوع خاص بس النا احنا سحالي 🅰️ ؛؛ ممنوع دخول الشباب او المشاركة بهالموضوع لو سمحتو يالتماسيح ؛؛ :shifty: ؛؛ في البداية حديثينا عن نفسك من ناحية ذوقك وماذا تحبين في الموضة وماذا تكرهين فيها وما هي الاشياء اللتي تعتقدين انها تناسبك اكثر؟ هل تتبعين الموضه في أثناء تبضعكِ حتى و أن لم يناسب ذوقكِ العام ؟؟ هل تحبين الألوان الصارخه أم الهادئه في الميك أب للمناسبات ؟؟ ماهي الماركة المفضله لديكِ في شراء الميك أب ؟؟ ماهي الألوان المفضله لديكِ أثناء أنتقاء الملابس ؟؟ هل مسئلة تنسيق " الملابس .. والحذاء .. والحقيبه .. والأكسسورات " من حيث اللون والطراز مهم لديكِ ( بشكل كبير 00 ليس دائماً 00 لا تهتمي بذلك )؟؟ مالذي يجذبكِ أكثر للقطعه الملبسيه أو الحقائب أو الحذاء هل الشكل (( الديزاين )) أم السعر ؟؟ مانوع الكريم الذي تستخدميه لبشرتك ؟؟ أثناء خياطة فستان لمناسبه ؛؛ تتركِين الأمر للمصمم أو المصممه بحيث يختار الموديل المناسب للقماش ؟؟ ماهي قصة الشعر التي تعجبج وماهي قصة شعركِ الحاليه ؟؟ هل تعتني بشعركِ بإستخدام زيوت خاصة أو غيرها وماهي ؟؟ هل ترغبين في تغيير لون شعرك بين الحين والأخر ؟؟ وماهو لون الصبغه المفضل ؟؟ وماهو لون شعرك الحالي ؟؟ هل تميلي الى الشعر المموج أم الشعر الأنسيابي في تسريحه ؟؟ هل يهمكِ في المناسبات أن تكوني ملكة الحفل وتذهلي الحضور بـ أناقتكِ وجمالك ؟؟ ما هو الاكسسوار الذي لا تستغنين عنه في كل مناسبه؟؟ ما هو عطرك المفضل؟؟ ما هو العطر الذي تستخدمينه حاليا؟؟ من هو مصممك المفضل؟؟ هل تفضلين الملابس الرسميه او السبورت؟؟ ماهي صفات المرأة العربيه بنظرك؟؟ هل انتى شخصيه مرتبه؟؟ ماذا تفضلين المستحضرات التجميليه ام المواد الطبيعيه للبشرة؟؟ من هي الشخصية المشهوره التي تجذبك أناقتها ؟ ممـكن تحطين لنا أي فستان أو تايور أو ... حسب ذوقك .. من أي موقع .. المهم يكون مناسب لك ولذوقـك .. ؟؟ ؛؛ ياليت كل بنات 🅰️ يشاركون بهالموضوع علمود نتعرف على اذواق بعضنا بكل فخر مخموط الموضوع :laughing::laughing: |
سلام يا صبايا ,’,’ شلونكم
<< داخل غلط ,, اسمحولي ابدي اعجابي بالموضوع وبكاتبته القديره احم ا حم ممم شنو بغيت اقول لو تخلي الموضوع عن طريق الترشيح ,, بحيث تختاري وحده من البنات وترسلي لها رساله وهكذا اللي بعدها ,, وجه نظر فقط .. مع ارق التحايا |
معاااااااند والله ماشاءلله أنا كنت أرد عليها الي لقيت ردك ماشاءلله عليك
وفكره حلوه يعني أنا أختار حختار تبكي الطيور الله يعينك يالله وريني ياسكره الي تحبيه ،، |
معاند
شتسوي اهنا ؟؟ انا مو قلت ممنوع دخول التماسيح او مشاركتهم اهئ اهئ والله خبلتني ؛؛ بس اقتراحك حلوووو انا ماحطيت هالخيار لان قلت بلكي البنات يدخلون من حالهم ويجاوبون بس فكرة ومقبولة ويالله لاتجي مرة ثانية |
ميمو
حبيبتي انتي كلج ع بعضج دلوعة شكرا لمشاركتج واجوبتج راح تخلينا ناخذ عنج فكرة اعمق وعن ذوقج انا فكرت البنات يجاوبون اول وبعدين انا بس تدللين |
في البداية حديثينا عن نفسك من ناحية ذوقك وماذا تحبين في الموضة وماذا تكرهين فيها وما هي الاشياء اللتي تعتقدين انها تناسبك اكثر؟
مممممم احب اتابع الي ينزل بالسوق بس مااجرب كل شي ؛؛ يمكن لما كنت بنت كنت اهتم هواي بشكلي الخارجي وبلبسي بس لما تزوجت عقلت هههههه ؛؛ لا صدك بس لان جسمي تغير بالحمل والولاده فــ غالبا مايكون هدفي بالشوبينج الملابس العريضة والانيقة بنفس الوقت (( اهم شي تكون مستورة وبالوان مقبولة)) .. هل تتبعين الموضه في أثناء تبضعكِ حتى و أن لم يناسب ذوقكِ العام ؟؟ لا ؛؛ مااهتم اصلا انو هالشي نزل والكل لبسه انو البسه ؛؛ البس الي ارتاح واحس نفسي مااكون بيه ملفته بيه بحكم الطلعة والفوتة ولان هنا مانلبس عباية فــ صعب اجاري الموضة هل تحبين الألوان الصارخه أم الهادئه في الميك أب للمناسبات ؟؟ انا برا البيت مااحط اي شي بوجهي ماعدا الماسكارا ومرات ولا شي اصلا ؛؛ بس غالبا احب الهادئ يمكن بالصدف احط غوامق بالمناسبات ماهي الماركة المفضله لديكِ في شراء الميك أب ؟؟ مااهتم للماركات بصراحه ؛؛ الي يجذبني للشي نوعيته واذا احسه مفيد ومريح باخذه بس نوعا ما هنا اكو ماركة اسمها ايسادوا (( سويدية )) الظلال تخبل مالتهم والجلوسات رهيبة نيفيا و مايبليني ؛؛ لوريال تعجبني واغلب كريمات الاساس منهم ومن ماكس فاكتر ماهي الألوان المفضله لديكِ أثناء أنتقاء الملابس ؟؟ الاسود .. <<< غرامها بس الاغلبية يكولولي لاتلبسينه والبسي الوان فواتح لان تصغرني وتطلعني احلى بس انا احبه ومعتدمته بشكل جبير ؛؛ احب البنيات والبيج وممكن افكر بالابيض للصيف هل مسئلة تنسيق " الملابس .. والحذاء .. والحقيبه .. والأكسسورات " من حيث اللون والطراز مهم لديكِ ( بشكل كبير 00 ليس دائماً 00 لا تهتمي بذلك )؟؟ اكيد ؛؛ خصوصا لو طالعه طلعة كشخة بس والله ويا بنتي لاتبقي عليا حجاب مرتب ولا جنطة عدلة اذا ماتكعد وتنبش بيهم ؛؛ اكسسوارات ماالبس بالطلعة غير حلقة الزواج (( ماادري احس هالشغلات تجذب وتبرج )) مستغنية عنهم ممكن ساعة وممكن دبوس حلو وبسيط للحجاب بس مالذي يجذبكِ أكثر للقطعه الملبسيه أو الحقائب أو الحذاء هل الشكل (( الديزاين )) أم السعر ؟؟ بصراحة كلهم ؛؛ اكو شغلات حلوة وتعجبني بس مااكدر اشتريها لان غاليه (( هنا عموما كل شي غالي )) وحنا حالتنا مستورة والحمدلله بس مااجازف واشتري جنطة مثلا بـ الف كرونة = 100 دولار تقريبا >>>> ابد ؛؛ بس مرات زوجي يلح ويكول اذا الشي عجبج كلش اخذيه ولاتهتمين .. مانوع الكريم الذي تستخدميه لبشرتك ؟؟ اوووووووف هنا مشكلة ؛؛ انا مصيبتي بشرتي حساسة وبسبب البرد القوي هنا وجهي كلش يتاثر والله تعبت وانا اعاني من وجهي وشفايفي (( استخدمت لوريال ؛ نيفيا سوفت ؛ كلينكوي ؛ كليراسيل ؛ وحاليا ده استخدم روك )) نصحتني بيه خبيرة تجميل بس هم مافادني وبالعكس حسس بشرتي وطلع عندي حبوب ناعمة كلش .. أثناء خياطة فستان لمناسبه ؛؛ تتركِين الأمر للمصمم أو المصممه بحيث يختار الموديل المناسب للقماش ؟؟ مااخيط ولا احب فكرة الخياطة ؛؛ كل شي جاهز اشتريه ماهي قصة الشعر التي تعجبج وماهي قصة شعركِ الحاليه ؟؟ احب قصة الشعر المذايل يعني خصلات قصار وخصلات طوال ؛؛ مثل قصة شعر نانسي عجرم بااغنية ياي سحر عيونو ؛؛ هالقصة اعشقها بس لهسه مامسويتها وحاليا مدرج بـ غرة خفيفة << ندمت لان قصت غرة << ماتحبها هل تعتني بشعركِ بإستخدام زيوت خاصة أو غيرها وماهي ؟؟ كنت استخدم صانسيلك 7 زيوت بس حاليا ماعندي وكت والله ؛؛ بنتي ماتخليني واذا دخلت اريد ادلع نفسي بالحمام لازم تفوت وياي وتصير معارك خخخخخخخخ فــ مكتفية في بلسم الشعر ومرات تحت الدوش خلال دقيقتين ماسك سريع هل ترغبين في تغيير لون شعرك بين الحين والأخر ؟؟ وماهو لون الصبغه المفضل ؟؟ وماهو لون شعرك الحالي ؟؟ اي احب بس مااصبغ دائما لان اخاف شعري يخرب (( الاصباغ مو زينة للشعر واتعبه واخاف تاليها نكرع ههههههه )) و زوجي هم مايحب فــ مااغير اللون المفضل الاسود ؛ الاحمر (( بس مامجربته )) والهاي لايت لون شعري حاليا بني فاتح هل تميلي الى الشعر المموج أم الشعر الأنسيابي في تسريحه ؟؟ اعشق المموج ؛؛ حتى بزواجي سويت تسريحة كلها لف وخصل نازلة على الطرحة والله خيااااااااال وياليت شعري دوم يصير هيج بس شسوي شعري ماااااي هل يهمكِ في المناسبات أن تكوني ملكة الحفل وتذهلي الحضور بـ أناقتكِ وجمالك ؟؟ لا مايهمني ؛؛ اهم شي اكون مقتنعة بلي لابسته وراضية عن شكلي ومكياجي ؛؛ وبالمناسبة اكيد صاحبة المناسبة هيا الي تكون ملكة ما هو الاكسسوار الذي لا تستغنين عنه في كل مناسبه؟؟ التراجي = الحلق والكلايد = السلاسل بس ها بمدالية بسيطة وصغيرة مااحب الشغلات الجبيرة والهواي ما هو عطرك المفضل؟؟ عندي فيرساتشي كريستال جدا قوي وخيال ريحته و ايضا مااستغني عن جادورا ولاكوست بينك اوف لوف وهوجو بوس وووووالخ عندي 25 عطر مااكدر استغني عن واحد بيهم كل يوم من عطر ههههههههههه ما هو العطر الذي تستخدمينه حاليا؟؟ والله توني قبل اسبوعين اشتريت عطر جديد نزل اسمه كريستينا اجوليرا بي نايت  وعطر لـ سيلين ديون  من هو مصممك المفضل؟؟ ماعندي احد مفضل هل تفضلين الملابس الرسميه او السبورت؟؟ السبور يوميا تقريبا البسها ؛؛ الكلاسيكي والمرتب شوي لمن عندي مشوار لدائرة حكومية او طلعة ويا زوجي ؛؛ يعني ع حسب ماهي صفات المرأة العربيه بنظرك؟؟ جميلة ؛؛ مغرية ؛؛ انثى هل انتى شخصيه مرتبه؟؟ كلش كلش كلش ؛؛ بحيث مرات احس اني اتعب من هالخصلة لان يصير عندي ارق بالليل اذا افكر انام وانا مو معلقة مثلا اي قطة من ملابسي وراميتهم بالكاع .. ههههههههه خبال ماذا تفضلين المستحضرات التجميليه ام المواد الطبيعيه للبشرة؟؟ والله المفروض الطبيعي افضل بس قتلج ماعندي وكت ومااحب اسوي مثلا مثل بعض بنات ماسكات وشغلات وخلطات واكعد اجرب واحط على وجهي او جسمي ؛؛ يادوب كريم مرطب للوجه ولوشون جسم وعطر ويامحلاني ممممممممم هع هع من هي الشخصية المشهوره التي تجذبك أناقتها ؟ نجوى كرم ابداع بلبسها وبدلاتها ؛؛ سمية الخشاب بــ جاذبيتها واغرائها بصراحه باللبس كلش انيقة وانثى ممـكن تحطين لنا أي فستان أو تايور أو ... حسب ذوقك .. من أي موقع .. المهم يكون مناسب لك ولذوقـك .. ؟؟ بصراحة ماكو شي معين يعني اهم شي يكون لبس طويل وساتر بس بحاول القى لان هنا صعب تلاقين شي للحجاب واذا كلش كلش وقصير البس فوقه جارديجان = مثل الي بهالصورة          انا طبعي بالمناسبات البس شي كلش بسيط مااحب ابالغ يعني مثل هذولا     ؛؛ ؛ ممممممممممممم تعبت بالاجوبة الله يعينكم عليا ؛؛ ماتوقعت راح انا هم اجاوب هههههههههه يالله الي بعدي تجي وتجاوب |
| الساعة الآن 06:45 AM. |
1
2
|
Powered by vBulletin® Version 3.8.4
Copyright ©2000 - 2025,
Jelsoft Enterprises Ltd.
جميع مايكتب هنا تدل على كاتبها ولاتدل على منتديات أشواقنا تحكي والله الموفق
