قولي لهم شوفو شفاتي واضحكي - منتديات أشواقنا تحكي

« آخـــر الـــمـــشـــاركــــات »
:: سجل حضورك ببيت شعر... ارجو التثبيت.... (آخر رد :أشواقنا تحكي) :: حائط (آخر رد :غير مسجل) :: تليجرام (آخر رد :أشواقنا تحكي) :: من هو الشخص الذي لن تنساه ولو مر عليك زمان ؟؟ (آخر رد :أشواقنا تحكي) :: سجل حضورك اليومي بأسم احد الاعضاء (آخر رد :سجين الحب) :: سجل حضورك بكلمة لحبيبك..... (آخر رد :أشواقنا تحكي) :: هِآلَآتُ مِنٌ بّـعَ ـض آلَزَوِآيّآ (آخر رد :أشواقنا تحكي) :: آنـا {ضَحيـه}ـ.. عٌشـر سنين مٌجهولـهـ.. (آخر رد :وردة العشاق) :: مشاركاتها من كل حدب وصوب (آخر رد :وردة العشاق) :: أول مـره (آخر رد :أشواقنا تحكي)

11-21-2011

المــــراقبــــة العــــامـــــة

تاريخ التسجيل: Jun 2009

المشاركات: 3,398

معدل تقييم المستوى: 20

اشواقي غير سوف تبلغ مرحلة التميز ويسطع نجمك

قولي لهم شوفو شفاتي واضحكي

السلام عليكم ورحمة الله

صباحكم / مسائكم نظافه وانتعاش

جتني طاقه فُجائيه انزل موضوع ومن امس وانا افكر احطه عن أيش ؟ بشره او شعر او او قلت احطه شامل

أول طله لي وان شاءالله مو الأخيره

بسم الله :

البشره وما ادراك مالبشره

بشرتنا تختلف من شخص لأخر طبعاً
فيه : الدهنيه و المختلطه و العاديه و الجافه
الجافه اسوأ بشره لانها تتغير مع تغير الجو و الحبوب يَ عزتي للي بشرتها جافه

< انقلعي

الدهنيه عمرها طويل وماتبان التجاعيد فيها لان افراز الدهون عندها مُضاعف بس صعب التعامل معها وكمان بالميك أب مايطلع الشكل مظبوط

العاديه بشره خاليه من الحبوب متوازنه جداً ناعمه وفيها حيويه

البشره المختلطه جميع انواع البشرات متركزه فيها يعني الدهون غالبا يكون الجبهه + الذقن + الأنف واما المناطق الجافه تكون حول العيون والخدود

تنظيف البشره

:

قبل نبدأ بالماسكات ومن اللذي منو فيه كثير من البنات يتهاونون بالمساج !
ليش ؟ ماله فايده بالعكس فوائده كثييره منها :

* - تنشيط الدوره الدمويه واراحة الجلد
* - يؤخر ظهور التجاعيد وخاصه تحت العينين والجبين
* - يقوي مناعة الجسم للتعرض للجفاف
* - يعطي شعور بالإنتعاش والراحه
* - يريح العينين
* - المساج يقلل من تصبغ الجلد او مايُسمى بالكلف

شفتوا فوائده كيف

احرصوا بـ عمل المساج قبل ماتحطون الماسك على طول

كمان لازم تراعون انكم تعملونه يومياً واذا خلصتوا من المساج جيبوا منشفه مبلوله
بمويه دافيه و حطوها على الوجه عشان الاستراخاء

للي مايعرفون كيف يسوون المساج جبت لكم فيديوهات توضيحيه :

كود:
http://www.youtube.com/watch?v=Eau7vyAHdEQ
كود:
http://www.youtube.com/watch?v=rqBivpdlaNA

أفضل الماسكات الطبيعيه اضمن وآمـن وإن مافادة ماتضر

اول بتكلم عن فوائدها الي يجهلها البعض

* - استعادة رطوبة الوجه
* - تخفيض اظطرابات البشره وتسكينها وتنشيطها
* - تنظف المسام بِعُمق و تخلصها من الأوساخ
* - تتخلص عن الجلد الميت عن سطح البشره
* - تقلص مسام الوجه وتشدها فـ تبدو متألقه وخاليه من الشوائب

احب الخيار للبشره يخفي الهالات بشكل نهائي ويرطب البشره و مُطهر لها
ويناسب جميع انواع البشره

فيه طريقه مره حلوه خصوصاً للـعجازات الي مثلي

المكونات
1- 2 خيار
2- 3 ملاعق كبيره موية ورد
3- كبسولات فيتامين E
4- زجاجه فارغه محكمه الأغلاق
5- قطن الدوائر المظغوطه

( اذا كان حجم الكبسولات 1000 استخدمي وحده واذا كان 400 ثنتين واذا 300 استخدمي ثلاث كبسولات )

ركزوا معاي لأن الخطوات كثيره وسهله

:
أول شي قشروا الخيار بس مو كله على شكل أشرطه وبعدين دوائر
ثاني شي جهزوا خلاط العصير وحطوا موية ورد و الخيار
ثالث شي جيبوا الكبسولات وبالأبره افتحوا عشان الزيت ينزل
وأخلطوها مع الخيار لين تحسونه انخلط كويس
الحين جيبوا شاش أو شبك او منخل او الي تبونه
( اذا استخدمتي المنخل او الشبك صفي العصير الأخضر )
وابدي بالضغط عليه بالملعقه حتى تلاحظين ان العصير كله نزل
واذا تبين تستخدمين الشاش

تحتاجين لـ صحن و مقص و شاش
قصي كميه كبيره من الشاش وخليه طبقتين وتحته الصحن
بعدين اسكبي الخليط على الشاش وأضغطي عليه وأضغطي عليه حتى ينزل كل العصير

الطريقتين كلها سهله بس أفضل الشاش وانتبهوا لازم يكون معقم ونظيف
الحين نجهز العلبه الفارغه ونحط فيه ملعقه من الخليط وفوقه القطن < لاتضغطون عليه
وبالملقعه شوي شوي نصب فوقه العصير
نكرر الخطوات السابقه بـ كذا ( فوق القطنه حطوا قطنه ثانيه وصبوا فوقها العصير بعدد القطن الي تحبون < انا 8 )
والعلبه لازم تكون وسيعه شوي وبين القطن و الغطا مسافه
تحطون العلبه بالثلاجه لـ يوم كامل
نجي لـ طريقه الاستعمال :
1- بداية كُل صباح جيبوا قطنه وحده وامسحوا فيها الوجه ( من أسفل الذقن لأعلى الوجه )
2- واذا كنتي طالبه او موظفه لازم تغسلونه أكيد مو تطلعون تحت الشمس
3- يستعمل قبل النوم و عادي لو تنامون فيه بس الي ماتتحمل ريحته تحطه 20 دقيقه وتغسله
4- طبيعي أول شي راح يقرص وجهك انا خمس دقايق وخف حتى بالمره الثانيه كمان وبعدين اختفى الي يحمر وجهها و تحسس منه توقف !

هذا واحد من ضمن الماسكات الي أعملها وافضلها كثير

الخيار والزبادي والعسل فضيعييين للـوجه

__________________

.

.

.

11-21-2011

المــــراقبــــة العــــامـــــة

تاريخ التسجيل: Jun 2009

المشاركات: 3,398

معدل تقييم المستوى: 20

رد: قولي لهم شوفو شفاتي واضحكي

بـاك

اليدين سر جمال المرأه زي مايقول البعض

اذا سألني احد عن اليدين وافضل شي لها وقلت لهم شرب المويه يكذبوني
لانهم مؤمنين جداً بالخلطات احيانا لها منفعه بس مو دايم اذا كان أكلنا مو متوازن
وش فايدتها ؟ المويه مهمه على الريق
والشي الثاني الترطيب المستمر لها والتقشير بـ سكر + زيت زيتون
وفركها ب ليمون

مساج لليدين برضوا مهم عشان التجاعيد + الجفاف

ماسك الزيوت : زيت زيتون + زيت لوز مر + زيت جنين القمح + محتوى كبسولات فيتامين E )
وبعد اي ماسك البس قلفز بلاستيكي
كريماتي الي مستحيل استغني عنها ليديني كريم 21 و بيبي جنسن الي علبته زجاجيه ورديه

نجي للمنيكير :

كل الي تحتاجينه هذي تلقينها عند بودي شوب

طريقته سهله وممتعه

أمسحي المناكير من ايديك

برديهم من الأطراف للوسط

نقعيهم بمويه دافيه مع شوية صابون

أستخدمي الفرشه الخاصه للأظافر عشان الاوساخ المتراكمه تروح

مسحيهم بالمرطب للأظافر

امسحي اظافرك بالمغذي

الحين حطي المناكير على اظافرك على شكل اشرطه

طبقتين من فوق لـ تحت

انتهى

اتمنى انكم استفدتم منّه

__________________

.

.

.

التعديل الأخير تم بواسطة اشواقي غير ; 11-21-2011 الساعة 07:47 AM

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

		منتديات أشواقنا تحكي الأسرية - الحياة الزوجية - الطب - حواء - الطبخ - التصميم والديكورات والاثاث - أشواقنا تحكي جمــــال حواء 🧕
قولي لهم شوفو شفاتي واضحكي

اسم العضو		حفظ البيانات؟
كلمة المرور