وأنا لا من نطق (تكفى)..عطيته لو طلب (هالعين)
رجع يسأل عن أخباري بعد غيبة سنه وشهرين
رجع شايل وجع صدره وقال أرجوك واسيني..
رجع كنه يحسبني سعيد بدنيتي أو زين
وهو مايدري الدمعة لو تراخت تسليني..
دمع هالوجه كنه جمع في غيبته جرحين
وأنا عيني بدت تدمع على حزنه وتبكيني..
يقول الدنيا خانتني وبعدك ياصقر سكين
وأنا جيتك بها لليله وتكفى لا تخليني..
وأنا لا من نطق (تكفى)..عطيته لو طلب (هالعين)
وأجود بكل ما يملك خفوقي وتملك ايديني..
وقلت: ابشر ولا يهمك تدلل وش تبي يازين
تراني فدوة عيونك (لو انك جيت تشقيني)..
حبيبي لو تبي القمره عطيتك فوقها ثنتين
بعد لو تطلب النجمه ابنطق جيتك اضويني..
وبعد هذا ضحك..وبعثرت همومه سلهم الرمشين
وقال الله يالطيب وأنا ظنيت ناسيني..
صراحه حيــــل تحرجني ياطيب يا أطيب الغالين
ولا ادري كيف ابوفي لك حبيبي وانت تعطيني..
بعد هذا تسامرنا وتواعدنا بعد يومين
ووصيته على قلبي وهو مثلي يوصيني..
تواعدنا على الجمعه (ولا جاني) الى الاثنين
ومر اسبوع والثاني وشوقي يشتعل فيني..
تصدق عاد يالسامع ولا جاني الين الحين..!!
وقبل تسأل عن اسبابه بجاوب وانت (واااسيني)
لأنه (مــــــات) في حادث وأنا مت بغيابه لين
((عرفت اني كذا ببقى ولا احد يقوى يحييني))..
__________________
[flash=http://up.2sw2r.com/upswf/n2p43806.swf]WIDTH=521 HEIGHT=282[/flash]
وأنا لا من نطق (تكفى)..عطيته لو طلب (هالعين)
« آخـــر الـــمـــشـــاركــــات »
10-31-2009
العرض العادي
