اليوم يا قلبي تبين خداع الامس
وان عشت لباكر تشوف العجايب
خل الندم لا تصفق الخمس بالخمس
وش عاد باقي في زمان الغرايب
شف السحايب لظهرت تحجب الشمس
والشمس هي سبة ظهور السحايب
كنت احسب الشوف يغني عن ألمس
حتى جرحني شوك ورد الحبايب
ورد نبت في خافقي وانطمس طمس
من بعد ما هبت عليه الهبايب
حب لهب ناره حمس مهجتي حمس
شفته لجل فرقاي ساد الركايب
ولا عاد باقي صوت يسمع ولا همس
ماتو على قبره وضعت المصايب ..,