اموونه : بلى موجود بالجزيره !! و بهذا القصر !! و بهذه القاعه !!
فذهل الجميع و سكتوا و جميعهم ينظر إلى الآخر ..
معاند : لحظه لحظه يا جماعه .. خل نبدأ بالتحقيق في المسأله .. في احد يشك على واحد منا ؟ و عنده شي يخليه يشك فيه ؟
شوشو العسوله : إيه بصراحه .. اموونه عندها مسدس !!
صاحبة الفخامه : مسدس ؟
اموونه : ><" يعني لازم اشرح مره ثانيه ..
فقالت لهم اموونه سبب وجود المسدس معاها ..
معاند : زين زين (في احد يقدر يطلع نفسه من دائرة الشكوك ؟
سمو الاحساس : انا .. فأنا طبيب مشهور و لي سمعتي بالمدينه !! مو معقوله اخرب هالسمعه و اذبح الناس ..
فقاطعه معاند : عفوا دكتور سمو الاحساس !!! بس انا ايضا قاضي مشهور ولي سمعتي بين الناس !! و هالشي مو كافي لأننا نطلع نفسنا من دائرة الشك !! فياما قضاة قتلوا و دكتاتره قتلوا ..
سراب : زين و اعتقد بأن النساء خارج دائرة الشك !! لان صعبه على الوحده انها تسوي هالجرايم !!
معاند : ممممممممم كلامك صحيح نوعا ما ..
سمو الاحساس : بالعكس !! الجريمة الاولى اللي هي السم كانت أي وحده تقدر تسويها .. و الثانيه بعد اي وحده تزيد الجرعه على صعبه .. و ضرب احلاهم و خواطر شوق ايضاً سهل إن كانت إمرأه .. فتسولف معاهم و تشغلهم و بعدين تفاجئهم ..
اموونه : وش قصددددددك !!
صاحبة الفخامه : تحكمي بنفسك اكثر ^ ^ ..
اموونه : .. في مثل هذه الظروف .. صعب على الواحد انه يكون خارج دائرة الشك .. خصوصاً بأن احنا ماصار لنا يومين نعرف بعض !!
شوشو العسوله : حتى و إن كانت حلاتي بضحكتي !! فهي طول الوقت تتجول بالقصر .. و بعد ما كان اخوها واحد من المتوفيين ..
معاند : تجولها الدائم بالقصر وخدمتنا مع انه ماراح تحصل على شي يثير الشبهه .. و بالنسبة لقتل اخيها.. وصلت لي اكثر من 200 قضية عن اخوات قتلوا أخوانهم..
شوشو العسوله : ممممم كلامك صحيح ..
معاند : بعد ان صرنا كلنا في دائرة الإتهام .. ابي الكل يجاوبني على هالسؤال !! وين كنتوا بصباح اليوم !! إلى العصر !! انا عن نفسي .. كنت قاعد في السطح .. و كنت اشوف الجزيره و اتأمل حالنا .. و بصراحه ماعندي دليل على تواجدي طول الوقت هناك .. فبإمكاني اني اروح لـ احلاهم و خواطر شوق .. وانتوا ؟
اموونه : انا كنت مع شوشو العسوله و سمو الاحساس !! ندور عن اشواقنا تحكي بالجزيره !!
شوشو العسوله : فضحتينا ... إيه إيه صح ..
سمو الاحساس : صح وانا اشهد على هالشي !! بس شوشو العسوله ضاعت عنا لفترة !!
شوشو العسوله : بس لقيتكم على طول !! ماطولت !!
اموونه : بلى طولتي شوي ..
شوشو العسوله : وش تقصدين !!
معاند : شوشو العسوله .. الوقت اللي غبتي فيه كافي لإرتكاب هالجريمه !! اما سمو الاحساس و اموونه .. فخرجتم عن إفتراض القاتل حالياً .. و انت يا سراب ؟ وين كنت ؟
سراب : انا كنت جالس بهدوء .. و حتى اموونه جت كلمتني و رديت عليها بعصبيه !!
اموونه : إيه صح !! بس مشينا بعدها وانت قعدت !!
سراب : أي بعدها رحت للبلكونه الشرقيه و سولفت معاي صاحبة الفخامه شوي ودخلت ..
معاند : عندك وقت كافي ايضاً لإرتكاب الجريمه .. و انتي يا صاحبة الفخامه ؟!
صاحبة الفخامه : والله العظيم بريئه
معاند : هههههههههههه هدي اعصابك .. و تكلمي عادي
صاحبة الفخامه : انا اخر من شاف الضحايا .. كنت قاعده معاهم .. وبعدها رحت اتمشى و سولفت مع سراب شوي و بعدها دخلت غرفتي ..
معاند : كم كان باقي على العشى ؟
صاحبة الفخامه : حوالي ساعتين ..
معاند : ايضاً وقت كافي لعمل الجريمه .. وانتي حلاتي بضحكتي .. ولو اننا عارفين وين كنتي ..
حلاتي بضحكتي: كنت ارتب القصر و انظفه .. و اسوي العشى ..
فقد سراب اعصابه : وانتي وش مصلحتك من هالشي !!
حلاتي بضحكتي : انا جيت على مهمه .. و راح اكملها إلى ان تنتهي ..
معاند : النتيجة اللي وصلنا لها من هالتحقيق بأن القاتل بيننا !! إلى الآن مانقدر نعرف من هو !! لكن .. على كل واحد منا ان يتخذ الحذر و ينتبه جيداً .. و لا تجلسوا وحيدين .. حاولوا بأنكم تكونون مع قروب معين .. انتهى التحقيق وحان وقت النوم .. و طبعا لا تنسون تقفلون الأبواب عليكم .. و احذروا ..
و نام الجميع ليلة مخيفه و لكن هادئه .. لم يشعروا بأي ازعاج او اشياء غريبه .. وفي الصباح ..
شوشو العسوله : آآآآآه .. اخيراَ الصبح !!
؟؟؟ : طق طق طق !!
شوشو العسوله : مين ؟
؟؟؟ : سمو الاحساس
شوشو العسوله : خير ؟
سمو الاحساس : قومي و انزلي تحت لصالة الطعام .. في موضوع غريب بنكلمك فيه !!
شوشو العسوله : ماشي !!
ونزل الجميع تحت و اجتمعوا ..
معاند : يا جماعه !! حلاتي بضحكتي مفقوده !! مو موجوده !! و مو مزهبه الفطور ولا شي !!
اموونه : تعتقدون انها انحاشت ؟
صاحبة الفخامه : مستحيل !! مافي اي قارب مر من الجزيره !!